Hnani and the Family

العلمّات مزينة الربط الكل و هناني لبست التخليلة و الحاج كلوف لبس الكدرون و خرجوا يترنحوا على الكرنيش.. الطقس ربيع ولون البحر أزوردي.
التوريست كيف العادة امبطحة على الشط و البنيات والوليدات كيف العادة ما يصدقوا الشميسة تطلع حتا يخرجو من ابّيبشاتهم…
شفت يا حاج ربي يبيّتها في شان ويصبّحها في شان شكون قال بلادنا تخرج منها العكري؟
الحاج كلوف يستوي كدرونو لبيض و يقول: مالا يا هناني تونس ديمة برجالها
و نساها يا حاج … شبيك ديما تنسي النساء … وانت في الدار مع النساء وفي الشارع مع النساء..
ضحك الحاج وقال: لا يا هناني عمري ما ننساكم … وقت ما كنت فلّاق (3 نقاط فوق القاف) كانوا معانا برشا نساء … إلي اتطيّب واتجيبلنا ، ولّى اتجيبلنا السلاح تحت تخليلتها … ولّى اتخبينا في دارها … ولّى اتهز الخبار بين الفلاقة…
مالا علاش ما فماش شكون يحكي على الشيء هذا؟
شكون إلّي اتحبوا يحكي على الشيء إلّى عملتو المرا باش فرانسا تخرج؟…
الجماعة متاع التاريخ يا حاج علاش ما يكتبوش على نضالات المرا… كيف هاك النساء إلّى ماخذين فلّاقة ، وما يشوفوا رجالهم كان من العام للعام وقت باش يحبلوا… و يعديوا العام الكل يربيوا في الصغار وحدهم وقلوبهم بالدقداقة ليل ونهار، خايفين لا يجيهم خبر موت رجالهم؟؟؟
والله عندك حق يا هناني … فكّرتني فلّى قاصاتو معايا العزيزة هنونة وقت كنت فلّاق… مانشوف صغاري كان بعد أشهر… ساعات الصغير مانشوفو كان وهو يمشي…
كان جات الدنيا دنيا يا حاج راهم النساء المتثقفة كتبوا وحكاو في الشيء هذا … صحيح كانت المرا ماكلة على راسها … لكن كيف ما كان فما رجال ناضلوا كان فما نساء ناضلت …. وكيف ما كان فما رجال امخبين روسهم ، كان فما نساء من الدار ما تخرجش…
لشكون تحكي يا هناني؟ توا تحكيلي أنا في الشيء إلّى عشتو ؟ كان ما جاتش النساء تعاون فينا كيف ما قلتلك واتجيبلنا في أخبار بعضنا وأخبار الفرنسيس رانا ما نجمنا نعملوا شيء ورانا كلانا الكرتوش بكلنا… و زيد كان ما جاتش نسانا صبرت علينا ومعانا رانا ما عرّس فينا حد قبل الإستقلال…
والله يا حاج كلوف يا خويا كل مرة انزيد انعزّك أكثر… كلامك كيف العسل …
يقهقه الحاج ، يفتل شليغماتو و يغزر للبحر ويقول : مالا يزيني لا انكثّر منو توا يمساط ؟؟؟
لا يا حاج يعيّش خويا .. نقّص في كل شيء و في تبحليق عينيك في التوريست … وزيدني من الكلام إلّى كيف هذا…
اتلفّت الحاج لهناني وقاللها شوف يا هناني هاك الشباب إلّى يحوم على التوريست … خليني بالله نمشيلهم..
يزّى يا حاج … علاش باش تمشيلهم؟ … ولا تسبيبة باش تقرب شويا للتوريست إلّى عويناتك خانتك باش اتشوفهم بالقدا؟؟؟
الحاج عمل روحو ما سمع شيء و دبّا دبّا وصل للشباب… وقف في وسطهم وسألهم تعرفوش اليوم علاش عطلة؟
الشباب بدا يضحك و بداو يجاوبوا الكل مع بعضهم كيف عش النحل واحد قال: أنا ما نخدمش بطبيعتي..
والثاني قال: مانا في عطلة الربيع ، امصلعين عندنا قريب الجمعتين ..
قام الثالث قال اليوم عيد وطني ، ماشفتش العلامات في البلاد؟
جاوبوا صاحبو وقالو: العلمات تلقاها على خاطر فما مسؤول كبير جاي للربط
الحاج كلوف موش من عوايدو يسكت ويخلي غيرو يحكي … وإلّا ما يهزّش العكاز كيف يسمع كلام كيف الظلام …غزرلتو هناني و قالتلو: جاوبهم يا حاج يا خويا شبيك ساكت ؟ فسرلهم…
الحاج السكر هبطلو و الدم طلعلو ويحس بروحو باش يدوخ و يمكن يمشي من الغادي لغادي … غزر لهناني و بصوت يتسمع بالسيف و قاللها : يرحم أمك يا هناني أسألهم يسمعوش بالفلاقة…
سمّيت باسم الله ، واستغفرت ربي ، وغزرت للشباب و سألتهم: يعيّش وليداتي شكون يعرف الفلّاقة؟
الشباب اتهز وتنض بالضحك و جاوبوا كيف العادة بكلهم مع بعضهم: نعرفوا الحرّاقة يا حاجة …
تلفتت هناني للحاج لقاتو الكشاكش طالعة و غايب على الدنيا.. و رصّاتلها هي والحاج كلوف تعدي في عيد الإستقلال في السبيطار..

Hnani 7KAYIT HNANI, FEMME TUNISIENNES

البارح قريت تدوينة لولادة تحكي على عزيزتها أمي سعيدة الله يرحمها ، الحكاية عجبتني لأنها تحكي علي فترة من الزمن في النصف الأوّل من القرن الماضي، فين المرأة كانت حدها حد الكوجينة و الغسيل.. و رغم هاكا كانت اتنجّم اتقول لا للراجل إلّى كيف يغلط و يضربها من غدوة يطلب السماح بسنة ذهب و قصّة قماش …لأنو عاطيها قيمتها و يحترمها.
و زيد كيفاش كانت متمتعة بحياتها و بحب راجلها الله يرحمو و صرّتها إلّى كانت ديمة فيها الفلوس رغم أنها لا كانت تخدم ولا شيء.
بعد ما عملت كيف على الحكاية و قلت الله يرحمكم يا جدودنا كيف حرّرتونا و عطيتوا للمرا حقها و قيمتها رغم التخلّف إلّى كان عليه المجتمع في هاك الوقت.. و زيد رحّمت على محمد السنوسي و الشيخ سالم بن حميدة والطاهر الحداد و بورقيبة إلّى وصلوا المرا التونسية للوضعية إلّى يحسدوها عليها العرب الكل ولّى قاعدين النساء و الرجال العرب المتنورين يجاهدوا باش يوصلولها.
بعد ما سرحت وانا انرحّم على فلان وعلى والدين فلتان، يفيّقني من السرحة تعليق من واحد شباب يقول( ” الله يرحمها و بالحق الناس كانت باهية و عجبتني صفة جميلة و هي أنو كلات بونية و ما طيحتش كلمة راجلها و آني مانيش مع ضرب النسا و لكن نسا بكري كان معدنهم أصيل و ثمة عض النسا أتباع المسلسلات المصرية إلي يا دوبك تسمع مجرد كلمة من عند راجلها و تلقاها الشنطة و رايحة على دار أبوها. الله يرحمها أمي سعيدة”)

ما نكذبش عليكم قريت التعليق ثلاثة مرات باش نفهم كيفاش الوليّد هذا أهم حاجة عجبتو في الحكاية هي كيفاش أمي سعيدة كلات البونية و طاحت سنتها وهي ما طيحتش كلمة راجلها، و من بعد يقول إلّى هو ضد ضرب النسا..
و رغم هاكا ما وصلتش باش نفهم التناقض إلّى في تعليقو.

Hnani 7KAYIT HNANI, FEMME TUNISIENNES

خديجة بنت الإمام سحنون بن سعيد التنوخي ، حامل لواء مذهب مالك بالمغرب العربي. كانت خديجة عاقلة عالمة ذات صيانة و دين، وكان أبوها يحبها حبا شديدا، ويستشيرها في مهمّات أموره حتى أنه لما عرض عليه القضاء لم يقبله إلا بعد أخذ رأيها. و كذا كان يفعل أخوها محمد بعد وفاة أبيها.
و علاوة على إصابة رأيها اتصفت خديجة بالعلم كما ذكر القاضي عياض ، و طبيعة أنها استمدّت معارفها من والدها. و قد كان نساء زمانها يستفتينها في مسائل الدين، و يقتدين بها في معضلات الأمور لما منحها الخالق جل ثناؤه من كمال العقل و المدارك العالية. Read more…

Hnani FEMME TUNISIENNES

هي عائشة بنت الشيخ أبي موسى عمران بن الحاج سليمان المنّوبي، و أمّها فاطمة بنت عبد السميع و مولدها بقرية منوبة غربي مدينة تونس
نشأت رضي الله عنها في حجر أبيها و اعتنى بتربيتها، فعلّمها القرآن الكريم حتى أحسنت حفظه، ثم لاحت عليها علائم الزهد و الصلاح فأراد أبوها تزويجها من أحد أقاربها فلم تقبل و بقيت على عزوبتها، و قيل أنها تزوجت ثم إرتحلت إلى سكنى الحاضرة بقصد الإنقطاع للتبتّل، فقطنت منزلا خارج ربض (رياض السعود) و هو المعروف عندنا اليوم بالمركاض حيث المقام المشتهر الآن باسمها Read more…

Hnani FEMME TUNISIENNES

Henry Salvador - Syracuse 

FEMME TUNISIENNES

C’est demain 8 mars la fête internationale de la femme.J’ai cherché dans l’histoire de la Tunisie une femme qui peut être le symbole de la femme tunisienne et j’ai trouvé ce trésor qui s’appelle Aziza OthmanaIl était une fois, une femme répondant au nom de Aziza Othmana « Aziza Bent Ahmed Ben Othman Dey »Fille du Sultan ,petite-fille du sultan Othmen Dey et épouse de Hammouda Pacha ,elle est célèbre pour ses œuvres de bienfaisance. Read more…

FEMME TUNISIENNES