Hnani and the Family

الإنسان العادي ملّى يتخلق لين يموت وهو يقاوم في مشاكل الحياة.. المرض و الجوع والبرد و البطالة و الظلم والتخلّف… و الإنسان إلّى ما تتوفرلوش ظروف و آليات مقاومة مشكلة من المشاكل ،يفقد التوازن متاعو ، و اترصيلوا يموت من غير عمر كيف مانقولوا.
فمّا ناس فوق المشاكل هذه، عندها كوارث طبيعية كيف التسونامي ، والجفاف و الزلازل، و كوارث بشرية كيف الإستعمار و الحروب الأهلية… الكوارث هاذم لثنين عندهم نفس المفعول ونفس النتيجة… لثنين كيف يهبطوا على بلاد يدمروها و يقتلوا عبادها…و الناس يلزمهم يقاوموها باش ينجموا يعيشوا على أرضهم بسلام و ما يغادروهاش .. العلماء بكل ما وصلولو من تقدّم ، عاجزين على حل وانقاذ الأرواح البشرية من الكوارث الطبيعية الناتجة على غياب التوازن البيئي . عاد كيفاش جماعة السياسة باش يحلوا مشاكل الكوارث البشرية في غياب التوازن بين الضعيف و القوي ؟؟؟

Hnani خواطر

موضوع التهميش, موضوع كبير , خطير و في نفس الوقت قليل وين نحكيو فيه علئ خاطرنا مهمشين و إمّمهمشين… باش ندخل طول في صلب الموضوع، أحنا كشعب, مهمّشين في لغتنا على خاطر طلعنا لا نتكلمو بالفرنسيّة كيف الفرنسيس و لا نتكلّمو العربيّة كي لعرب, نضربو ضريبة منّا و ضريبة منّا, عندكشي عندي و برّا.

أحنا شعب مهمشين في دينّا على خاطر بعد أكثر من 40 سنة ملّي منعنا تعدّد الزوجات, رجعنأ بالتوالي و ولّينا نعرّسو عرفي على خاطرو محلّل في الدّين. و زادو همّشونا البهايم إلّي يلبّسوهم جبّة و عمامة ويحطّوهم في التلافز الإسلاميّة يفسّرولنا في الإسلام.

التوانسة مهمشين في معرفة تاريخنا على خاطر اَخر مرّة هبطت فيها لتونس, حبّيت نشري كتاب على تاريخنا, نلقى مسوعة تاريخ تونس فيها 4 أجزاء:1/ العصور القديمة,2/ العصر العربي الإسلامي،3/ الحركة الوطنيّة و دولة الإستقلال و4/ تونس التّحوّل… في بلاصت ما نأرّخو السّياسة ولّينا نسيّسو في التّاريخ… و تاريخناّ يتبدّل كل ما يتبدّل حافظ الحمات و الدّين…

و فوق هاذاكا الكلّ، نزيدو نتهمّشو في الهويّة متاعنا. العرب ماهمشي حاسبينّا عرب  وأحنا مكبشين في العروبة بيدينا و ساقينا و قعدنا لانا عرب، لانا بربر و لانا أوروبّيين و كلّ واحد منّا يلصّق روحو للملّة إلّي تخدملو مصالحو…

زعمة علاش طلعنا هكّا؟ غلطة شكون هاذي؟ العروبة؟ الإسلام؟ الغرب؟ إسرائيل؟ الحكومة؟ المعارضة؟ كعبول، الكلب الأكول؟ السّنافر؟ يا ربّي زعما شكونو إلّي مّهمشنا؟

Politics, خواطر

ما عندي ما انقلّو أنا… إنحس ألّي لكلام غايب…. ولفكار منتحرة …. ممكن ميته من غير انتحار…ممكن تقتل لكلام وتقتلت معاها الفكرة… المهم فمّة جثث متاع كلام من غير كلام… فمّة صمت … (يفكر) شبه صمت على خاطر قاعد نتكلّم … نتكلم من غير خلفية وإلا استراتيجيّة وإلا ايديولوجية وإلا ديماغوجيّة بيداغوجية… نتكلم على خاطرو قالّي: يلزم تتكلّم وتفرّغ الشحنة متاعك…أنا كميون معبّي … كميون متاع كلام يمكن ما يسوى شي… ممكن كميون متاع زبلة الكلام… المهم يلزمني نفرغ الشحنة… وهكّاكا نتفرهد ونبدا فارغ… والهواء ينجّم يدور… والأمور تشد مسارها الطبيعي وقتها… ووقتها بالضبط نمارس حقوقي الجمّالية ونغزر للوردة وممكن نشمّها ونعرف معناها… وحتّى كي تحكيلي من بعد حكاية نفهمها من غير ما انقوللها شوكك يجرح وبقلة على لونك الوردي Read more…

Hnani خواطر

في الصباح إنقوم ، ما صلّيت واشربت قهوتي وسمعت شويا أخبار و الأحوال الجويّة إلا و نلقي روحي الوقت كلاني … نحط ساقي في التاكسي و انقول للتاكسيست إعيّش ولدي فيسع راهو الوقت يجري … و يلزمني نخلط في الوقت… نوصل للخدمة ، نلقي الوقت فاتني … ملي ندخل للبيرو نبدي نقتل و نتقتل… قتلني دوسي و طلّعلي روحي،…دخل مواطن قتلني بالتسكبين متاعو… انا قتلتو بالمشي و الجيان و جيبان الوراق… Read more…

Hnani خواطر

by Adel

أي أي ما اسخنها الدنيا… أوووف ملا سخانة…نار … عافية شاعلة … والعرق والعرق والعرق … أنا نعرق برشة تقولش علي عراق … تنجموا تسميوني سي العراق … تي من العرق عملت صحاف صحاف … بكلي إنز … لو كان جاء بترول راني أغنى عراق في العالم … أما هكاكة ماشي خسارة … منيش أنا إلي مستنفع بيه رغملي أنا إلي عرقت عليه لعرق متاعي لين محسوب عدكم سميتوني لعراق وإلا صحافي لعراق…

مرة مشيت إلتونس العاصمة … عندي رونديفو في باب لعلوج … نهارتها نهار بالعرق ولصْحافْ تعبّاوْ … والعلج صاحبي إلي عامل معاه الرنديفو راقدلي حلفة في الدورة…وقتها قلت بيني وبين روحي : ها العلج ما عادش انصوحبو … لا عاد نشرب كوكتو ولا نتكيف المارلبورو متاعو … على بلادتو نشد في العشرين مارس متاعي لخفيف ونشرب صابرين … يخليني هكاكة في باب لعلوج Read more…

خواطر

by Hnani

في شبابي يا حسرة يا زمان تغرمت بالعروبة وزيد إلّي حبّبني فيها موش الكتب إلّى قريتها علي العروبة و إلّا الجماعة إلّي خالطهم. في البداية حبّيت قصائد الشجاعة و عزة النفس و الكرامة للشنفرة وعنتر ابن شداد

و حاتم الطائى كنت نكتب أبيات الشعر في أوراق ونلسّقهم علي الحيط في البيت و بعدها جات أغاني الشيخ إمام حفظتها ولات هي الأغاني متاعي المفظلة في وقت صحابي مغرومين بجاك برال و شايلا و جو دسان و في الآخر و الأهم أغنية مرسال خليفة سجّل أنا عربي ، الغناية هذه ولات النشيد الرسمي متاعي. كيف نبدي شايخة مانغنيش كيف ندادي غنايات عبد الحليم حافظ و إلا فريد ، انحل الكاسات علي طولها ونبدي نقضي وانغني سجّل أنا عربي رغم إلّي صوتي ما فيه ما يتسمع.

إمشى يا زمان ويجا يا زمان بداوا إقولولنا و يأكدوا علينا إلّي أحنا التوانسة رانا تابعين بحكم الظروف الجغرافية و التارخيّة و الدينيّة للعالم العربي الإسلامي و العروبة وحدها ماتجيش.

Read more…

خواطر

by Adel

ما عندي ما انقلّو أنا… إنحس ألّي لكلام غايب…. ولفكار منتحرة …. ممكن ميته من غير انتحار…ممكن تقتل لكلام وتقتلت معاها الفكرة… المهم فمّة جثث متاع كلام من غير كلام… فمّة صمت … (يفكر) شبه صمت على خاطر قاعد نتكلّم … نتكلم من غير خلفية وإلا استراتيجيّة وإلا ايديولوجية وإلا ديماغوجيّة بيداغوجية… نتكلم على خاطرو قالّي: يلزم تتكلّم وتفرّغ الشحنة متاعك…أنا كميون معبّي … كميون متاع كلام يمكن ما يسوى شي… ممكن كميون متاع زبلة الكلام… المهم يلزمني نفرغ الشحنة… وهكّاكا نتفرهد ونبدا فارغ… والهواء ينجّم يدور… والأمور تشد مسارها الطبيعي وقتها… ووقتها بالضبط نمارس حقوقي الجمّالية ونغزر للوردة وممكن نشمّها ونعرف معناها… وحتّى كي تحكيلي من بعد حكاية نفهمها من غير ما انقوللها شوكك يجرح وبقلة على لونك الوردي.

Read more…

خواطر