Hnani and the Family

اليوم بدينا بالتوقيت الصيفي و الصيف ضيف كيف مانقول…و القمة العربيّة كملت خدمتها و روحوا الجماعة كل واحد لبلادو ظاهرين فرحانين و يعلم الله آشنوا في قلوبهم … أنا الحقيقة كيف إنشوف المسؤولين ملمومين و يتعانقو، لحمي إقشعر و ساعات نحشم وانلوم روحي كيفاش وصلت بدّلت قشرتي بعد ما كنت إنحب الأمة العربيّة ولّيت حدّي حد تونس و مانحب كان تونس.. ممكن الكبر مايساعدوش السفر حتي بالإحساس..خرجت من الدويرة ماشية للخدمة وانا نترهوج ناقصة نوم..وضميري يأنّب فيا، نلقي الحاج كلوف واقف قدّام باب دارو..صبّحنا علي بعضنا و قتلو أيّة الحمد الله عليك كيف خرجت من الدار آش خرجك؟

قالي لمّة العرب هي إلي خرجتني موش من الدار برك، خرجتني من عقلي يا هناني..قتلو اللطف علي خويا يخي ما اتفاهمو علي حد المرّة هاذي؟ Read more…

7KAYIT HNANI

فمّة جماعة مختصين في علم الإجتماع حبو يعرفو السبب متاع حب التونسي للحرقان. عملو تجربة و جابو زوز نساء مازالوا كيف ولدوا. وحدة تونسية و الأخري أمريكية. أخذاوا الوليد الأمريكاني واعطاووه للتونسية و أخذاو الوليد التونسي واعطاووه للأمريكية . و قعدوا يستناوا فيهم حتي وصل عمرهم 20 سنة. إمشاوا العلماء متاع الإجتماع يزوروا فيهم باش إشوفوهم آش عاملين. يلقاوا الوليد الأمريكي و المتربي في تونس بدا يعمل في المشاريع متاعو…و الوليد التونسي والمتربي في أمريكا قاعد إحظّر في روحو باش يحرق ليطاليا.

Blague

قالك يا سيدي واحد جريدي إتوفي … قبل ما يحطوه في بقيعتو مرتو و العيلة
ملمومة بيه و بيناتهم وحيدة من هاك الناس إلي إجيبوهم باش يبكيو و
يعددو خصال الميت … عاد قبل ما تبدي خدمتها المريّة إتكات علي مرت
الميت وسألتها (ماهو يلزمها تعرف علي الميت شويا حاجات) Read more…

Blague

By Hnani 

اليوم مشيت إنزور في خويا الحاج كلوف و نسأل عي حالو واحوالو .. وانشوف نحّاشي هاك المحرمة إلّي خليتو إمقرّط بيها راسو المرّة الفايتة..نلقاه قاعد علي كريسي في وسط الدار تحت العنبة..سلّمت عليه و خذيت كريسي واقعدت..و قتلو: ماك لاباس يا حاج ما ريتش وجهك هالمدّة؟؟ قالي الحمدو لله  الصحّة لاباس لكن مانحبّش نخرج للشارع و لا حتي بقعة..قتلو ووه يا حاج علاش ؟ يخّي فمّة شكون كتيلك علي الخروج؟ .. راني نعرف وحدة إديها إتجمّد الماء و ما تخرج من عندها كان وانت كيف العادة وترجع  إتهوم من بقعة لبقعة من الصباح لليل.. Read more…

Uncategorized

 By Hnani

نعرف إلّي باش إتقولو هناني خرفت..و لقات روحها وحدها، الحاج كلوف موش معاها باش إعقّلها ، ولّات إتهز من الجابية واتحط في الخابية…و مع هاكة باش نحكيلكم .
البارح قريت قصيدة و سمعت غناية حب إسمها -هزّي حزامك و خميرك- …واتفرّجت علي فيديو Oh l’amour.. من غير ما نشعر بعد ما شفت العزيوزة و الشايب يتباوسو …المورال طلع و خرجت من مشاكل الدنيا والدين كيف مانقولو..وتلهيت بقليبي .. اللهوة بالقليـّب حاجة لازمة ما كانش ييباس و لا عاد إتفيد فيه ماكلت الشكلاطة الكحلة و لا شربان العسل و الزهر… كتبت التعليق هذا في الكليب وانا كايني نقري فيه و نسمع في الغناية في نفس الوقت Read more…

7KAYIT HNANI

Uncategorized

by Hnani

23مارس اليوم العالمي للعناية بالبيئة .. .. نهار عظيم … العالم الكل إيدك وحديدك إعس علي البيئة باش ما يخليهاش تفسد و تتلوّث.. قلت مادام اليوم فمّ عسـّة خلّيني نغتنم الفرصة وانحل الشبابك و انخرّج للتشميس الزرابي و العباين إلّي مازلت ما خبيتهم علي خاطر كيف مايقول المثل ” عبانتك لا اتبيعها بردها في ربيعها” .. والدار يدخللها شويا هواء موش ملوّث..
خرجت للبركون ننشر ..إقابلني خويا عبد العزيز العروي كيف العادة حالل الجريدة وحاطط ساق علي ساق و هاك الطبلة متاعو النحاس Read more…

7KAYIT HNANI

By Tunisian FPF 

We remembered El Mouled (Other than El 3asida, I never understood what it meant when I was a kid), and we remembered Eid Al Chabab (I didn’t know we have one!), but we forgot 20 Mars: Tunisia Independence Day. That day we ended the brutal French occupation of our country (except for Bizerte). Brave men and women sacrificed their lives so we can live free and prosper. We’ve gone a long way since that day. We have a “decent’ country (compared to Africa & Middle East). We are relatively well educated. But we still have a long way to get to what we deserve. So I would like you to join me to give a salute to our people who died for us. Thank you so much for your sacrifice and I hope we honor you someday.  

Tunisian from the past and the future Uncategorized

By Hnani

البارح نهار 21 مارس عيد الشباب.. الرئيس عمل خطاب و قال فيه بالحرف الواحد : العام هذا عام 2008 هو عام الشباب و حرية التعبير للشباب… باش نعرفوه أشنوا رايو في البلاد واشنيا طموحاتو…ما نكذبش عليكم فرحت و امشيت نجري حلّيت الراديون علي إذاعة الشباب .. منـّي إنشجّعهم ..منّي نعرف آش يحكيو… ونعرف مشكلتهم فين إلّي إمحيـْري الوالدين الكل..

مانطوّلش عليكم .. حلّيت الراديون علي طول صوتو باش كيف نبدي نقضي و نتحرّك ماتفوتني حتّي كلمة ملّي باش إقولوه الشباب في إذاعة الشباب… نسمع … نسمع ..و موش إمصدقة…و باقي نسمع.. لين شكّيت إلّي الموجة ماهياش متاع إذاعة الشباب..

Read more…

7KAYIT HNANI

 by Hnani

اليوم المولد متاع سيدنا صلي الله عليه و سلّم
قمت الصباح طيّبت شويا عصيدة بيضة متاع العادة.. كيف الفلاحة الكل … و حطيت عليها شويا عسل متاع جبل الوسلاتية المشهور علي خاطر النحل متاعو يرعي في الكليل و الزعتر.. عبّيت صحيّن لختي هنونة …غطيتو بالمنديلة و هزيتهولها باش إتذوق. صبّحنا علي بعظنا … دخلتني للبيت… نلقي الحاج كلوف متكي علي البنك و متلكفت في البرنوس و كابس راسو بمحرمة… أنا ريتو في هاك الحالة تفجعت وقتلو Read more…

7KAYIT HNANI