Hnani and the Family

Gabriel Garcia Marquez s’est retiré de la vie publique pour raison de santé: cancer lymphatique. A présent il semble que son état se soit aggravé.
Il a envoyé une lettre d’adieu à ses amis et grâce à Internet elle peut
à présent être diffusée.
Je vous recommande sa lecture car ce court texte écrit par l’un des plus brillants latino-américains de ces derniers temps est vraiment émouvant.
“Si pour un moment Dieu pouvait oublier que je suis une marionnette de chiffon et me donner en cadeau une parcelle de vie, j’en profiterais le plus possible.”
“Je ne dirais probablement pas tout ce que je pense mais sûrement je penserais tout ce que je dis.”
“Je donnerais une valeur aux choses, non pas pour ce qu’elles représentent, mais plutôt pour ce qu’elles signifient.”
“Je dormirais peu, je rêverais davantage, sachant que pour chaque minute pendant laquelle nous fermons les yeux nous perdons soixante secondes de lumière.”
“Je marcherais alors que les autres s’arrêtent ; je me réveillerais quand les autres s’endorment.”.
“Si Dieu me faisait cadeau d’un petit peu de vie je m’habillerais simplement, je m’allongerais à plat ventre sur le sol mettant à nu non seulement mon corps mais aussi mon âme.”
“Aux hommes je leur prouverais combien ils se trompent en pensant qu’ils cessent d’être amoureux en vieillissant, sans savoir qu’ils vieillissent quand ils cessent d’être amoureux.”
“A un enfant je lui donnerais des ailes, mais je le laisserais apprendre à voler tout seul.”
“Aux vieux je leur apprendrais que la mort ne vient pas avec la vieillesse mais plutôt avec l’oubli.”
“J’ai tant appris de vous, les hommes…,J’ai appris que tout le monde veut vivre au sommet de la montagne sans savoir que le vrai bonheur est dans la manière de l’escalader.”
“J’ai appris que lorsqu’un nouveau-né serre pour la première fois dans sa petite main le doigt de son père il le garde attrapé pour toujours.”
“J’ai appris qu’un homme a seulement le droit d’en regarder un autre en bas quand il faut l’aider à se relever.”
“Il y a tant de choses que j’ai pu apprendre de vous ! Mais réellement peu me serviront parce que quand elles seront rangées dans cette valise malheureusement je serai en train de mourir.”
“Dis toujours ce que tu ressens et fais ce que tu penses.”

“Si je savais qu’aujourd’hui c’est la dernière fois que je te vois t’endormir je te serrerais fort dans mes bras et je prierais le Seigneur de pouvoir être le gardien de ton âme.”
“Si je savais que ce sont les dernières minutes que je te vois je te dirais “Je t’aime” et j’ignorerais, honteusement, que tu le sais déjà.”
“Il y a toujours un lendemain et la vie nous donne une autre opportunité de faire les choses bien; mais si je me trompe et que ce jour-ci est le seul qui nous reste, j’aimerais te dire combien je t’aime et que je ne t’oublierai jamais.”
“Le lendemain n’est assuré pour personne, jeune ou vieux. Aujourd’hui ce peut être la dernière fois que tu vois ceux que tu aimes. N’attends donc pas davantage, agis aujourd’hui parce que demain n’arrivera peut-être jamais et que sûrement tu regretteras le jour où tu n’as pas pris le temps d’un” sourire, d’une étreinte, d’un baiser” et où tu as été trop occupé pour leur adresser un ultime souhait.”
“Garde auprès de toi ceux que tu aimes; dis-leur à l’oreille que tu as besoin d’eux; aime-les et soigne-les bien; prends le temps de leur dire “je te comprends”, “pardonne-moi”, “s’il te plaît”, “merci” et tous les autres mots d’amour que tu connais.”
“Personne ne se souviendra de toi pour tes pensées secrètes. Demande au Seigneur la force et la sagesse de les exprimer.”
“Démontre à tes amis et êtres chers combien ils comptent pour toi.”
(Texte traduit de l’Espagnol par A.S.)
source: poste Adel Nagati
http://kairouan.realbb.net/culture-f3/gabriel-garcia-marquez-t1702.htm

Hnani Education

توا نهارين قريت في تعليق إحدى المدونات إلّى مدوّنة قاسم اتحجبت… و رغم هاكا لا مدونة كتبت على الموضوع… بغض النظر،على الشيء إلّى يكتب فيه قاسم … مادام المدونين يؤمنوا بحرية التعبير و التدوين، و كانوا يساندوا و يعملوا نهار لعمار، في كل مرّة تتسكّر مدونة، علاش سكتوا كيف غابت ولّا اتصنصرت مدونة قاسم؟؟؟
سؤال جاء على بالي و قعدت نستني نهارين قبل ما نحطوا ، فمّاش ما نلقي جواب مقنع…
علاش تتصنصر مدونة قاسم في وقت المدونين لاهين بالعرك بينات بعضهم، و زيد قاسم حسب رايي عقال شويا و ما عادش يحكي برشا على جمهوريتو ؟؟؟؟

Hnani 7KAYIT HNANI

كم تمنّيت الأماني
فاتحا كفّ الرجاء
عابرا يمّ الخنوع
سابحا نحو السّماء
باسم الوجه بشوشا
ناثرا درّ الصفاء
حامدا ربّي كثيرا
أن عطاني أصدقائي
نستطيب العيش دوما
دون غدر أو عداء
غير أنّي قدْ مللت
ثمّ قدْ ملّ رجائي

كمْ زرعت دون حصد
كم سقيتم من دلائي
كم جنيتم ثمر قلبي
ثمّ ما كان جنائي
محبط العزم حزينا
قدْ بليت كلّ داء
ذاهل الفكر لقوم
جاحدين للسّخاء

فآذْكروني يوم تمسوا
دون خلّ أو وفاء
تائهين في الفيافي
تبحثون عن كسائي
دونكم لفح الهجير
دونكم برد الشتاء
قد أضعتم قفل بابي
في غياهيب الخواء

Hnani POESIE

اليوم هبطت لللحومة، باش نتشمّس شويا، ونلقاش في ثنيتي خويا الحاج،يونّسني في الثنية…
خرجت من الدار، زسّيت جيب الكبوط باش نتأكّد من روحي ما نسيتش المفتاح… مدّيتو، ثبّتت فيه، رجّعتو للجيب، و سكّر الباب و قلت: يلّي ما تخيّب قاصدك…
بديت نلوّج على الحاج ، في راس النهج موش موجود، قدّام القهوة، عند العطار، على البحر… ما لقيتوش… اتقلّق عليه و قلت : لازم الحاج مريض، ماهو ما يقعدش في الدار في طقس كيف هذا، والتوريست تعوم في البحر…
رجعت على ثنيتي و مشيت لدار خويا الحاج كلوف… دقّيت الباب… حلّتلي هنونة، سلّمنا على بعضنا، و سألتها: ما تقلّيش يا هنونة فينو الحاج؟ توا مدّة لا جاني ولا هنّاني، و زيد اليوم ماهوش يسعسق في الشارع كيف عادتو…
قالتلي: الحاج راكش في البيت و شادد كراسة كيف كراسة العدول و ما نعرف آش قاعد يكتب…
دخلتني للبيت، الحاج قدامو طبق القهوة و المرش متاع الزهر، حاطت مشموم على قرنو، لابس البرنوس، متربّع على البنك و مغطّس راسو في كراسة ، اتقول عليه بي في زمانو…
الحوت عليك يا حاج يا خويا ، الوجيّه أحمر، و القعدة بكلها وهرة… فاش اتخنتب في كراسة العدول؟
أقعد يا هناني، مرحبا بيك، طيّب قهوة لهناني يا هنونة الغالية ويجاوا بحذايا…
هنونة اتقول عليها بنت عشرين، نقزت تجري باش اتجيبلي قهوة…
أيا مبروك يا حاج، العاقبة ليا… الله مصلّى على النبي عليك و على أختي هنونة، الوجوه نايرة و مرتاحة، و تقول عليكم ولاد عشرين… أشنيا الحكاية؟ آش حطّيتولها كيف ما يقولوا ولاد توا؟
يبارك فيك يا هناني، و العاقبة ليك ، عندي مدّة يا هناني راكش في دويرتي، ما نخرج كان باش نقضي قضية، ولّا باش نتمشي على البحر، لا عدت نقعد في قهاوي و لا عدت نشد راس الزقنة… قرّرت باش ما عاد يهمني شيء في الربط.. طابت ولّا تحرقت..
مالا كيفاش باش تعيش يا حاج؟ اتنجّم زعما تكمّل حياتك ساكت على العوج؟ وانت من الشعرة تسكر و من الزبيبة تدوخ؟
انجّم يا هناني، هاني شريت كراسة، باش كيف نشوف عوج ، نرجع نجري للدار، نحل الكراسة و نفرّغ قلبي فيها، و ما نسكّرها إلّا ما نحس بروحي تفرهدت … من بعد ، نقعد أنا و أختك هنونة نحكيوا علّى يهمنا و يخصنا….
حتا إنت يا حاج كلوف يا خويا ، رايك و كلوفك ما عادش عندو معني ، الدنيا راهي تبدلت، وتطورت…
هذا علاش شريت هالكراسة، إلّى حاشتي باش انقولو ، نكتبو فيها و انسكّرها… عييت من النبحان يا هناني، فدّيت من يزّى ، أركح، شد الصف، ما تتعاركش، اتربي، ما تضربش…
وقول فمّاش فايدة؟ يستحيل… عاد آش لز العاقل على النبحان؟
الحمد لله يا حاج كيف عقلت و رجعت للجادّة… شوف والله وجيهك ناير، و هنونة امفرهدة، خمس و خميس عليكم… راهو حتى السكر راكح و الدم قد قد.
أحنا هكّة، و هنونة تدخل تجري و تقول للحاج، راهي أمّي سيسي ما لقاتش الفليّس متاعها…
الحاج نقّز من البنك و شد العكّاز متاعو و خرج يجري، يتمتم: أشكونو ولد الحرام السارق لازم نلقاه….
يا حاج يا حاج ، إيجا آش يهمّك ، هاي الكراسة فرّغ فيها قلبك… لا حياة لمن تنادي..
أسأل على صاحبك استغناش آما الصنعة ما ينساهاش…

Hnani 7KAYIT HNANI

يحكيو على دار، كانو يسكنوا فيها العيلة الكبيرة الكل،… باب الدار باب واحد، كبير مزيّن بالسرايات الكذّال على اليمين و على اليسار، و على كل سارية ، صيد حالل فمو… الباب كبير ، بدفتين مقوسين و مزين بالمسامر الكحل، مكتوب بيهم: دار التونسي، وادخلوها بسلام
كل واحد من جماعة الدار يدخل من الباب، يشق السقيفة ، وسط الدار ، يسلّم على إلّى يعرضو، و يحل باب بيتو، يهبّط الطيرقان، و يدخل ياخذ راحتو في بيتو إلّى امزيّنها و امأثّثها على حسب ذوقو و إمكانياتو…
في الصيف، كل عشية يتسيّق وسط الدار و يتفرش تحت الحيط، و يقعدوا للبرود… هذا قدّامو شويا لوز أخضر، وهذا يحل في بطيخة، و هذا يبرّج في دلّاعة، وهذا يطيّب في كاس تاي، وهذا حالل صرّة يحسب في الفرنكات إلّى صوّرهم… و الكل يتكلموا و يتشاوروا ، والصغير يحب يسمع الكبير باش يتعلّم منو، والكبير يوسّع في بالو على الصغير …
هي ماهي كيف مانقولو : الكرش صبّاغة دبّاغة، اتجيب الطويل و القصير، ولّى يحب القراية ولّى يحب الصنعة… عاد في عيلة التونسي موجودة الأنواع الكل،
برّا برّا ، العيلة كبرت،و الأحوال تبدلت، هذا تبسط، وهذا قعد زوالي، هذا خطب، و هذا عرّس، وهذا جاب صغير….و الحركة في وسط الدار و السقيفة كبرت… و الدخول و الخروج للدار كثر… و الدار ولّات فيها ناس مخلطة، و موش مستانسين بطبايع بعضهم، الحزازيات كثرت، و الغزران على جنب كثر، و حتى كلمة ع السلامة ولّات عزيزة…. ولا عاد فيها احترام لا للكبير و للصغير… و صار فيها ، كيف ماهو صاير من قديم الزمان و من وقت قابيل و هابيل…
حماعة من دار التونسي، شافت رواحها أزين و أضخم من الجماعة لخرين.. بعد ما تململوا شويا ، قالوا إلّى القعدة في وسط دار التونسي ما عادتش مرتاحة … و هزوا سور باش يقعدوا تحتو ، عملوا فيه زوز بيبان ، واحد على الشارع و واحد يعقّب لدار التونسي..
علاش موش نهار ، متعدين الحاج كلوف وهناني ، وشافوا السور مبني و الجماعة قاعدة تحتو، و دار التونسي نقب نقب… سألوا على الحكاية، ناس قالت دار التونسي ماعادتش من مستواهم، وناس قالوا دار التونسي حدها حد المبات، لكن القعدة فيها و الكلام مع الجماعة ماهياش باهية و تطييح قدر…
هناني و الحاج كلوف بحكم خبرتهم في هالدنيا، و معرفتهم بالنفسية متاع ولاد الربط كتبوا
http://blog.tunisien.org/?p=316
و قعدوا يتفرجوا… السور تعمل ، والإنقسامات صارت موجودة، وكثرت التكتلات، و الحساسيات و الحسابات ، و كل مرّة تصير مشكلة و كولني ناكلك و تكون نتيجتها تسكير بيوت في دار التونسي… و الخراب قاعد ماشي و يزيد ليومنا هذا. من غير ما فمّا بني صحيح لا للسور و لا لحدادة

Hnani 7KAYIT HNANI

باش يعرّف بروحو، البيق تراب بوي قال:الله يلهّينا بحوايجنا، تي ماهو المدونة قدامك أقراها، لاهي بيا أنا ماهو لاباس؟ على كل حال أنا إنسان تونسي ثقافتي عالمية ( هناني ثقافتها تونسية) وأفكاري ليبرالية ( بالنسبة لهناني، إلى حد ما) ومعروف بالكلمة المرزيّة ( موش برشا) في عالم الثورة الإلكترونية، شعاري في الحياة عليك وعلى البيس،( على كل شيء نشوفو غالط) وكان تحب تحوّس تفهم راهو نورمااال. يوفى الحديث؟
من وقت ما دخل واحد أنونيم لدار فطومة العربية ، و قلّقها، و خلاها تسكّر بيوتها الكل، و ولاد دار التونسي ماهمش مرتاحين لحكاية الأنونيم… في الحقيقة أنا ما يقلّقنيش أشكون يدخل لداري، ملثّم ولا لابس شورط، لا لابسة خمار، ولا لابسة الميني، المهم يكون محترم و عندو كليمة تنفع الواحد كيف يسمعها ولّا يقراها… حتا ساعات هاك إلّى يسميوها سمايل، نفرح بيها …
يقول القايل علاش ولاد دار التونسي خاصة إلّى يكتبو بالتونسي هوما إلّى خذاو موقف من الأنونيم أكثر من الجماعة إلّى تكتب بالفرنسية ولّا الأنقليزية؟… مانيش نحكي على موقف المساندة و الحب لفطومتنا الغالية…
السؤال إلّى امحيّرني هو: اتكونش اللغة إلّى نكتبو بيها عندها تأثير على تفكيرنا ؟ زعما إلّى يكتب بالتونسي حتى و لو كان عايش في القمرة، تفكيرو و حساسياتو ما تتبدّلش؟ و إلّا اللغة التونسية اتعبّر أكثر على العرك والسبان؟ علاش هالخوف هذا الكل من الأنونيم؟ علاش ما نحترموش الآخر في كيفية ظهوره، مادام يكون محترم في طريقة تقديم رايو؟ هل أنو مجرّد كتابة اسم، ينجّم يكون اسم مستعار ، يكفي باش ما يدخلش في الحملة متاع الأنونيم؟
أنا ما نيش ضد الأنونيم ، أنا مانيش ضد أي راي، أنا ضد الكلام الزايد، لذا نتمني أنو كل تعليق فيه قلّة أدب، يتنحى من التعاليق، خاصة و أني شمّيت في وقت من الأوقات فمّا أشكون حب يقوم بحملة ضد التدوين باعتبار وجود كلام غير لائق، متاع ناس ماهمش في المستوي… الحرية باهية، لكن يلزمها تكون حرية مسؤولة…

Hnani 7KAYIT HNANI

في الربط متاعنا ، مسموح باش تعمل كل شيء، باش اتخرّج من فمّك كل شيء حتا الردّان حاشاكم… إلّا حاجة وحدة.. ما يلزمكش تخرّجها من فمّك، على خاطر جماعة الربط عندهم حساسية ،و رعب، وماهمش ملقحين من وقت ما كانوا عضيمة…
نهار الثلاثاء في الليل خذيت القطار من تونس لسوسة، شديت بلاصة فيها زوز كراسي، نحيت كبوطي، قعدت على كرسي و حطيت صاكي على الكرسي الثاني…
القطار باش يمشي، و جاني واحد من شبابنا المحترم، لابس كسوة و كرافات، و سألني كان الكرسي فارغ، باش يقعد فيه… جاوبتو لا موش فارغ… مشي للبنية إلّى جالسة في الصف الآخر و جلس بحذاها… هذا و البلايص الفارغة موجودة بكثرة، و كان ينجّم يقعد في زوز كراسي وحدو…
مخي ما فمش الحكاية، فكّرت فكّرت ، ما فهمتش… حلّيت جريدة شريتها باش انقصّر بيها السفرة، و غرست راسي فيها…
بعد ما تعدي السيد متاع التساكر،… ثلاثة شباب قعدوا بين الفاقونة والفاقونة، و بداو يغنيوا في غنايات الملاعب ، وساعة ساعة يحطوا كلام زايد فيه… ولا واحد من الركاب، قام و قاللهم، عيب الكلام هذا… الوقت يزيد و هوما يزيدوا في الدوزة متاع الكلام الزايد، لين ولّا الكلام الكل كلام من أبشع ما يمكن تسمعو الوذن… بصوت الناس الكل تسمعو… و بطريقة تفهم منها أنهم سكرانين… لا واحد من الركاب اتحرّك و سكّتهم… أنا هبلت في عقلي، نتلفّت من هنا لهنا، الناس الكل ساكتة و لا واحد عمل حتى حركة متاع رفض للكلام إلّى يسمع فيه… كلّمت بنية قريبة و قلتلها بصوت يسمعوه الرجال القراب مني: توا موش عيب ناس تسكر في القطار و اتقول في الكلام هذا؟
جاوبتني: الله غالب، أنا و إلّا انت باش انقوموا انسكتوهم؟
قلتلها: والرجال هاذم ، زعما حاجة طبيعية عندهم كيف نساهم و خواتهم يسمعوا في هالكلام؟
قالتلي: الله غالب
قلتلها : توا هذا شباب المستقبل إلّى بلادنا معملة عليه؟ شباب يقول في الكلام الزايد، و شباب ساكت عليه؟
أنا نتكلّم، وانشوف في روس اتحركت و دارت باش اتشوفني و اتشوف أشكون هالمرأة الغريبة ، إلّى تتجرّأ و تقول في هالكلام الخطير…
البنية، كيقف شافت الروس دارتلي، غمزتني بعينها و أشارتلي بصبعها باش نسكت لتصيرلي في مشكلة!!!
سكّرت عينيا باش مانشوفش وجوهم إلّى ما قيها ما يتشاف، و قلت بصوت عالي باش يسمعوني: مسكينة هالبلاد و ربي يقدرها الخير في المستقبل مع عباد كيف هاذم ، إلّى يقبلوا قلّة التربية ، وانعدام الأخلاق، و ما يقبلوش أشكون يقول راهو عيب…
وصلنا لسوسة هبطت من القطار مشيت لمكتب المسؤول، خرج معايا الكنترولور ورّيتو الأشخاص إلّى مازالوا باش يواصلوا السفرة في اتجاه صفاقس، و قوارير البيرة الفارغة،
و العباد لا واحد منهم اتكلّم، يغزرولي، باهتين فيا، كايني جيتهم من كوكب آخر !!
مسكينة تونس ، ضاعت العباد و القيم ، وربي يقدرلها الخير من شياب توا و شباب المستقبل.

Hnani 7KAYIT HNANI

البارح، يوم 25 نوفمبر، اليوم العالمي للقضاء على العنف ضد المرأة… ما تلهيتش باش نحتفل بيه على خاطرني كنت لاهية بالقضاء على المرض حاشاكم…
اليوم، قمت الصباح، حطيت القهيوة و بديت نخدّم في مخّي في الموضوع ( موش تخديم المخ إلّى تعرفو) و هنونة والحاج كلوف يصبوا الزيت… هنونة العينين مطمطمين، و الحاج كلوف وجهو أصفر…
من الفجعة، قعّدتهم ،و مشيت نجري انجيب في ماء العطرشية، ماهو الزهر وفالي…
جبت الفاشكة و قعدت، ماكم لاباس أشبيك يا هنونة عويناتك حمر مطمطمين؟ أشكون ضربك؟
قالتلي، نبكي على كرامتي إلّى ماتت يا هناني أختي،
كيفاش ماتت؟ باش ماتت كرامتك يا هنونة الغالية؟ و الحاج فينو وقت ما كرامتك اتطلّع في الروح؟
كرامتي ماتت توا سنين ، وخوك الحاج، هو إلّى قتلهالي بهاك العكاز، يا هناني.. و اليوم، اتفكّرت كرامتي و دلالي ، ولّيت نبكي عليها كاينها ماتت اليوم…
كيفاش يا حاج كلوف ضربت هنونة، حتى قتلتلها كرامتها؟ ماتقلّيش رجع عليك أصلك في حكاية الضرب ؟
أشبيه أصلي يا هناني؟ ما هوش عاجبك؟ ولّا باش اتسخفك هنونة بدميعاتها ، وتدور عليا معاها؟
لا يا حاج، أصلك ما عندي مانقول فيه.. و حتى في الضرب ما عندي مانقول أكثر و أكثرين…
مالا يا للّا انقلّك إلّى أنا مانيش متاع ضرب، و هنونة هي إلّى كانت اتوصّل في روحها باش نضربها..
كيفاش هنونة اتوصّل روحها؟ يا ناري، مالا كيفاش ما يظهرش عليها ؟ أنا إلّى نعرفو على هنونة هو أنها ديمة اتوصّل في السراق… فين نسألها فينك، اتقلّي: راني انوصّل في السارق لباب الدار و هاني جاية…
توا يا هناني، بالله قلّى ، كيف نصهر مع صحابي وانروّح بعد ما الحومة الكل ترقد، و نلقاها ساهرة، باش اتقلّى كيفاش تسهر لتوا، ما يتسمّاش هذا جبدان شبوك؟ و اتجيب فيها لروحها؟
صحيح يا حاج، عندك حق… هذا جبدان شبوك… وانت يا هنونة علاش الحومة الكل راقدة وانت ساهرة؟؟ و زيد علاش تسأل فيه ؟ يخّى هو يعيش في دارو ولّا في مركز شرطة؟؟؟ و الله جبتها لروحك الطريحة…
و زيد يا هناني أختي، كانت، كل مرّة و هي تسأل فيا فين فلوسك؟ ماهو عندها فلوسها آش يهمها في فلوسي؟ وهي تعرفني كيف تتطلبني في حاجة أنا نهبل، ونولّى بلاش عقل ..موش جبدان شبوك هذا؟ و اتجيب فيها لروحها؟
صحيح يا حاج، جبدان شبوك… انت تخدم على روحك،و حر في فلوسك، مصاريفك كبيرة يجعلك اتززي روحك،
حاجة أخري كانت اتهبّلني منها، واتخرّجني من عقلي، يا هناني أختي ، اتشوفنيش قاعد، ولّا راقد، ولّا خارج،.. اتجيني واتمدلي الفلوس، و تطلب مني باش نخرج نقضيلها.. عمرها يا هناني، ما كانت تعرف تختار الوقت المناسب للطلبات متاعها… توا هذا ما يتسماش جبدان شبوك ، واتجيب فيها لروحها؟
يعطيك الصبر يا حاج كلوف يا خويا، هذا جبدان شبوك و بهامة ، وجابتها لروحها…
تتذكّر يا هنونة، وقت ما شريت أنا البرطابل كيفاش ردّيتلي عيشتي ما تنطاقش في داري؟ ولّا تنكر؟
كيفاش ننكر يا حاج؟ حتى كان انكرت ، موت كرامتي تشهد عليا…
بالله يا هناني قلّى: توا أنا علاش شريت البرتابل؟ باش نحكي بيه مع هنونة في الحكايات إلّى اتطلّعلى السكّر؟ فينك و وينك والفلوس و المرض، والصغار؟ راهي كانت هي اتشوفني اتكلّمت في البرطابل و خاصة عقاب الليل و هي تهبل… و تعرفني نخرج من سينتي كيف تسألني في شكون قاعد نكلّم خاصة عقاب الليل و الناس الكل راقدة… توا هذا موش جبدان شبوك؟
جبدان شبوك يا حاج، ولّا علاش هنونة صاهرة لهاك الوقت، باش اتفيق بعمايلك، واتزيد تسألك في شكون اتكلّم… جابتهم لروحها الطرايح الكل إلّى كلاتهم…
في كل عيد يا هناني أختي، هنونة اتنغّصلي حياتي، أنا ماك تعرفني ما كنتش نستعرف لا بعيد و لا بعاشورة، ما نحب كان العيد الكبير و هاك اللمّة مع العيلة الكبيرة على اللحم المشوي… وهي اتحب تعمل كيف ناس قبل كل عيد و الجواجم متاعو…فوق هذا أنا نكون راقد نهار العيد و غامم على راسي، و هي تجي اتقيّمني … و تعرفني كيف نبدى راقد نهبل و نخرج من سينتي، كيف واحد يقيّمني… هذا موش شريان شبوك، واتجيب فيها لروحها؟؟؟
شريان شبوك يا حاج، ماهو لازم اتراعيلك ظروفك ، و نفسيتك… والله جابتها لروحها..
كانت ماتحبليش الخير يا هناني،كانت اتحب تستغلني، اتحب تاخذلي فلوسي و تحرمني من حرّيتي و حياتي… بالله كيفاش اتحبني ما نخرجش من سينتي و مما نضربهاش؟
عندك ألف حق يا حاج، انت كيف ما قلت ماكش متاع ضرب، و هنونة هي إلّى كانت تجبد في الشبوك، واتجيب في الطرايح لروحها، و هي إلّى قتلت كرامتها من غير ما تشعر… انت خاطيك يا حاج يا خويا…
الحمد لله توا يا هناني ما عادش عندنا مشاكل، و هنونة عقالت و كبرت، وفهمتني و عرفت شنوا انحب و شنوا ما نحبّش، و ما عادتش لا تجبد الشبوك، و لا اتجيب فيها لروحها… و الله يهدي إلّى عمل هالمناسبة باش يحيرلها مواجعها… وكان موش ربي ستر ، راهي شرات الشبوك و جابتها لروحها…

Hnani 7KAYIT HNANI

انبربش من هوني لهوني في الصحافة الإلكترونية ، نلقاش حاجة نقراها، حتى لين وصلت لجريدة تونسية اسمها الوحدة، لحزب الوحدة الشعبية … لأوّل مرّة في حياتي انشوفها… قلت برّا يا هناني الجريدة هذه لقيتها في وقتها، زيد شعارها إلّى فيه خريطة البلدان العربية الكل، زاد شجّعني باش انحلها وانشوف آش فيها… مادامها جريدة حزب الوحدة الشعبية متاع العرب الكل، لازم فيها ما يقري الواحد في الوقت هذا… و راهي النقاشات واكلة بعضها بين المنخرطين متاع الحزب ، شيء بالتونسي و شيء بالجزايري و شيء بالموريتاني و شيء بالليبي و شيء بالمصري و شيء باللبناني، وشيء بالخليجي و شيء باليمني… ماهو الحزب متاع وحدة العرب الكل…
أيا يا سيدي مانطوّلش عليكم، حلّيتها… آش لقيت؟ و الله يا جماعة و رحمة أمي نخسابها جريدة التجمّع… عاودت مشيت للموقع إلّى لقيت فيه عنوان الجريدة، حليتو في شباك آخر، كيف كيف هي بيدها الجريدة…
لعنت بليس و قلت ، مانيش غالطة، انزلت على الصفحة الرئيسية،ثم ننزل علي العناوين باش نقري المقالات ما تتحلّش… كل ما ننزل على عنوان ترجع الصفحة الرئيسية، ثبّتت في تاريخ التحيين نلقاه يوم 24 نوفمبر …
لكن احتراما للمدونين و المدونات خاصة إلّى عندهم أمل في المعارضة التونسية و بالذات في حزب الوحدة الشعبية ، مانيش باش لا انحطّلكم الرابط ولاني باش نكتبلكم عناوين المقالات إلّى لقيتها…

Hnani 7KAYIT HNANI

أطفال غزّة يصرخون، لأحرار العالم، لأصحاب الإنسانية، لا تتركونا نموت بالجوع و المرض…
الأكيد ماهمش متوجهين بكلامهم للجامعة العربية، الأكيد ماهمش متوجهين بصراخهم للمجمع الإسلامي… الأكيد ماهمش متوجهين بنداءاتهم لحسني مبارك…
اليوم الجامعة العربية لاهية في برلين بيوم المغتربين … و جماعة الجامعة العربية عملوا خطابات و أكدوا على ضرورة تعليم الأطفال المغتربين اللغة العربية و تاريخ العرب…
ماهو موش معقول الجامعة العربية في هذا اليوم ، تخلي أولادنا و بناتنا المغتربين في ألمانيا يموتوا نتيجة نقص في اللغة والتاريخ العربي…
و زيد جماعة الجامعة العربية في برلين و في هذا اليوم، سمحت للعرب المغتربين باش يعملوا السياسة في ألمانية،و في كل بقعة في الغربة…
في مثل هذا اليوم ، المغتربون المجتمعون في مقر الجامعة العربية في برلين… ولا واحد فيهم اتكلّم على حصار غزّة من قبل إسرائيل ومصر… لا واحد من المغتربين طلب من الجامعة العربية باش تنقذ أطفال غزّة من الموت بالجوع و المرض ، قبل أن تفكّر و تطلب منهم تعليم أولادهم اللغة والتاريخ العربي المسوّد…
لا أحد من جماعة الجامعة العربية، طلب من المغتربين رايهم في سياسة بلدانهم العربية و الجامعة العربية مع أطفال غزّة… قبل أن يطلب منهم المشاركة في الحياة السياسية متاع بلدان الناس…
لا أحد فيهم ذكر ما تمرّ به غزّة من حصار و معانات… عملوا حفلة و خطابات و كلاو الحلويات و المشروبات و وعدوهم بجايزة العام المقبل، و رجعوا إلى ديارهم فرحين مسرورين…

Hnani 7KAYIT HNANI